کوئٹہ۔18مئی (اے پی پی) بی اے پی دے مرکزی صدر وزیراعلیٰ بلوچستان میر عبدالقدوس بزنجو اتے پاکستان پیپلز پارٹی دے چیئرمین وزیر خارجہ بلاول بھٹو زرداری دی خمیس کوں ملاقات تھئی جئیں اچ ݙوہیں رہنماواں وچال ملک دی سیاسی صورتھال اتے آپسی دلچسپی دے معاملیاں تے ڳالھ مہاڑ تھئی۔ ݙوہیں رہنماواں ہک سیاسی جماعت ولوں ملک اچ سیاسی کشیدگی ودھݨ، جلاؤ گھیراؤ اتے تشدد دی سیاست دی مذمت کیتی اتے ملاقات اچ قوم ولوں منفی سیاست کوں مسترد کر تے پاک فوج اتے قومی سلامتی اداریاں تے اعتماد دا اظہار کیتا ڳیا۔ ملاقات اچ بلوچستان دی تعمیر و ترقی اتے مسئلیاں دے حل بارے وی ڳالھ تھئی۔ بلاول بھٹو زرداری آکھیا جو پاکستان پیپلز پارٹی احساس محرومی دے شکار چھوٹے صوبیاں کوں اہمیت ݙیندی اے ، انہاں یقین ݙوایا جو او بلوچستان دے مالی مسئلیاں دے حل بارے وزیراعظم اتے متعلقہ وفاقی وزراء نال ڳالھ کریسن۔
.jpg)
