اسلام آباد۔23اگست (اے پی پی):وزیراعظم محمد شہباز شریف آکھیے جو پاکستان قطرنال تاریخی ݙوطرفہ تعلقات کوں مزید مضبوط سٹریٹجک تعلقات اچ بدالݨ چاہنداں ،میݙے دورہ قطرنال ݙوہیں ملکاں وچال بھرپی تے یاری دے ڳانڈھے دی تجدید تھیسی ، آپݨے ھک ٹویٹ اچ وزیراعظم آکھیے جو آپݨے بھرا شیخ تمیم بن حمد الثانی دی دعوت تے قطر روانہ تھیندا پیاں ، اے دورہ ݙوہیں بھرا ملکاں وچال بھرپی تے یاری دے ڳانڈھے دی تجدید کریسی اساں آپݨے تاریخی فوطرفہ تعلقات کوں مزید مضبوط سٹریٹجک تعلقات اچ بدالݨ چاہندوں ، سرمایہ کاراں تے کاروباری رہنماواں نال ڳالھ مہاڑ اچ پاکستان اچ قابل تجدید توانائی، خوراک دی حفاظت، صنعتی اتے بنیادی ڈھانچے دی ترقی، سیاحت اتے مہمان نوازی جیہے مختلف شعبیں اچ سرمایہ کاری دے پر کشش مواقع کوں اجاگر کریساں ۔ دورے دے تناظر کوں سمجھݨ ضروری اے ۔دنیا کووڈ۔19 دی عالمگیر وباتوں متاثر معیشت دی بحالی اچ سست روی دا سامݨا کریندی پئی اے ۔ جغرافیائی اتے سیاسی کشیدگی طلب و رسد کوں متاثر کیتے ودھدی ہوئی توانائی تے خوراک دیاں قیمتاں مسئلیں کوں ودھائے ، ساݙے مشترکہ چیلنجز تعاون کیتے نویں رستے ڳولݨ دا تقاضا کریندن ۔
.jpg)
