بیجنگ۔28ستمبر(اے پی پی) نگراں وفاقی وزیر اطلاعات و نشریات مرتضیٰ سولنگی آکھیے بیلٹ اینڈ روڈ انیشی ایٹو پاکستان سودھے ترقی پذیر ملکاں کوں ترقی دے نویں موقع ݙتے ، اے منصوبہ پاکستان اتے چین دے تعلقات دا سنہری باب اے۔ انہاں چین دے دورے توں وطن واپسی دے بعد چائنہ میڈیا گروپ دی اردو سروس نال ڳالھ مہاڑ کریندے ہوئیں آکھی اے۔ نگراں وفاقی وزیر اطلاعات بیلٹ اینڈ روڈ انیشی ایٹو (بی آر آئی) دی 10 ویں سالگرہ تے چین دی حکومت اتے عوام کوں مبارخ ݙتی ۔ بی آر آئی دے فلیگ شپ منصوبے سی پیک بارے ڳالھ مہاڑ کریندے ہوئیں انہاں آکھیے اے منصوبہ پاکستان تے چین دے تعلقات دا سنہری باب اے، سی پیک پاکستان دے توانائی، انفراسٹرکچر اتے مواصلات دے شعبیں اچ سرمایہ کاری کیتی جیں توں ترقی دے روزگار دے نویں موقع بݨیے ۔ انہاں ایں ڳالھ تے یقین کیتے جو پاکستان تے چین وچال تعلقات مزید تکڑے تھیسن ۔ انہاں آکھیے پاکستان سی پیک دے ھک نویں دور اچ داخل تھیندا پئے جیں اچ ایم ایل ون جیہے نویں منصوبے جاری ہن ۔ انہاں آکھیے اے منصوبے پاکستان دی ریل سروس اچ سنگ میل ثابت تھیسن تے روزگار اتے ترقی دے موقع بݨیسن۔ نگراں وفاقی وزیر آکھیے اکتوبر اچ پاکستان دی اعلیٰ قیادت دا آندا دورہ چین ݙوہیں ملکاں وچال تعلقات اچ ھک نویں دور دا آغاز کریسی۔ انہاں آکھیے بدلدے عالمی سیاسی منظر نامے دے باوجود پاک چین تعلقات ہر لنگھدے ݙینھ نال ٻئے چنڳے تھیندے پئن ۔
.jpg)
