پشاور۔23ستمبر (اے پی پی):عالمی ادارہ صحت دے نمائندہ ڈاکٹر پالیتھا ماہی پالا متاثرین سیلاب دی مدد کیتے ڈی آئی خان پڄ ڳئن ۔ترجمان محکمہ صحت خیبرپختونخوا موجب عالمی ادارہ صحت دے نمائندہ ڈی ایچ او آفس اچ سیلاب متعلق ریسپانس اچ معاونت کیتے ایمرجنسی آپریشن سینٹر دا افتتاح کیتے ،سیلاب توں متاثرہ علاقیں اچ طبی امداد کیتے دوائیاں دی وݙی کھیپ محکمہ صحت دے حوالے کرݙتی ، عالمی ادارہ صحت دے پاکستان کیتے نمائندہ ڈاکٹر پالیتھا ماہی پالا عالمی ادارہ صحت ٹیم دے رلے سیلاب توں متاثرہ ضلعیں ڈی آئی خان تے ٹانک دا دورہ کیتے ایں دوران محکمہ صحت دے حکام ڈی آئی خان اچ سیلاب دی تباہی تے محکمہ صحت دی کارکردگی اتے ضرورتاں بارے عالمی ادارہ صحت دی ٹیم کوں بریفنگ ݙتی ، ورلڈ ہیلتھ آرگنائزیشن فلڈ ایمرجنسی ریسپانس اچ ھک کمیونیکیشن آفیسر تے ݙو ڈیزیز سرویلنس افسران دی خدمات محکمہ صحت دے حوالے کیتن ، ڈی آئی خان دے22جزوی یا مکمل طور تے تباہ مراکز صحت دی بحالی کیتے عالمی ادارہ صحت کوشاں اے ۔ ڈاکٹر پلیتھا ماہی پالا کمشنر ڈی آئی خان نال ملاقات دے بعد ضلع ٹانک دا دورہ وی کریسن ۔
.jpg)
