اسلام آباد۔10جولائی(اے پی پی) وفاقی وزیرخزانہ ?? محصولات سینیٹر محمد اور نگزیب آکھیے پاکستان اہم معاشی اشاریں توں معاشی استحکام دی عکاسی تھیندی پئی اے، معاشی اصلاحات دے ایجنڈے کوں اڳوں ودھاوݨ سانڳے پاکستان ایں ویلھے آئی ایم ایف نال ھک نویں وسط مدتی پروگرام سانڳے ڳالھ کریندا پئے،کثیرالجہتی اداریں پاکستان دی معیشت تے اعتماد کیتے، توانائی سودھے مختلف شعبیں اچ اصلاحات اتے مجموعی قومی پیداوار دے تناسب توں ٹیکساں دی شرح اچ ودھارے سانڳے پرعزم ا??۔ اے ڳالھ انہاں سٹینڈرڈ اینڈ پورز(ایس اینڈپی) گلوبل ریٹنگ ایجنسی دے وفد نال ملاقات اچ آکھی اے ۔ وفد دی قیادت ڈائریکٹرز آف سوورین اینڈ انٹرنیشنل پبلک فنانس ریٹنگز یی فرن فوا تے اینڈریو ڈیوڈ ووڈ کریندے پئے ہن۔ اجلاس اچ وزارت دے اعلیٰ حکام وی شر??ت کیتی۔ وزیر خزانہ وفد دا خیرمقدم کیتا اتے انہاں کوں پاکستان دی موجودہ معاشی صورتحال بارے ݙسایا ۔وزیر خزانہ آئی ایم ایف نال 9 مہینے دے سٹینڈ بائی معاہدے (ایس بی اے) دی کامیاب بݨاوݨ تے پاکستان دی کلی معیشت دے اشارییں اچ تھیوݨ آلی بہتری دا حوالہ ݙیندے آکھیے سٹیٹ بینک کنے زرمبادلہ دے ذخیرے 9.4 ارب ڈالر امریکی ڈالر تئیں پڄ چکن ، سٹاک مارکیٹ دی کا رگردگی حوصلہ افزاء اے، کرنسی دی قدراچ استحکام آئ??۔ انہاں آکھیے جون 2024 اچ صارفین سانڳے قیمتاں دا اشاریہ 12.6 فیصد دی سطح تئیں ڈھہہ ڳئے جیں توں مہانگ گھٹ تھیوݨ نظر آندی پئی اے۔ سمندرپارپاکستانیاں دی ترسیلات زر 7.7 فیصد ودھ ڳئن۔ انہاں ٹیکس دی بنیاد ودھاوݨ دی حکومت دیاں کوششاں تے روشنی پاتی تے آکھیےمالی سال 2024 اچ ٹیکساں دی وصولی اچ سالانہ بنیاداں تے 30 فیصد ودھارا تھئے، جی ڈی پی دے تناسب توں ٹیکساں دی شرح اچ وی بہتری آئی اے ۔ انہاں توانائی دے شعبے اچ اصلاحات تے سرکاری اداریں دی نجکاری سودھے کئی شعبیں اچ اقدامات دا سلسلہ جاری ا??۔ انہاں آکھیے کثیرالجہتی اداریں دی طرفوں پاکستان اچ مختلف منصوبیں سانڳے مالی معاونت ݙیوݨ نال پاکستان تے عالمی اعتماد نظر آندے۔انہاں ݙسایا ملک دے معاشی اصلاحات دے ایجنڈے کوں اڳوں ودھاوݨ سانڳے پاکستان ایں ویلھے آئی ایم ایف نال ھک نویں وسط مدتی پروگرام سانڳے ڳالھ مہاڑ کریندا پئے ۔ سیکرٹری خزانہ حکومت دے معاشی اصلاحات دے ایجنڈے دی وضاحت کیتی جیں دی عکاسی مالی سال 25 دے بجٹ اچ تھیندی پئی اے ۔ وفد حکومت پاکستان دی طرفوں چاتے ڳئے اقدامات اتے اقتصادی اشاریں اچ بہتری دی تعریف کیتی۔
.jpg)
