بیجنگ ۔ 16 اگست (اے پی پی) چیئرمین سینیٹ محمد صادق سنجرانی 9 رکنی پارلیمانی وفد دے نال پنج ڈینھ دے دورے تے چین پج گن ۔ خمیس کوںسینیٹ سیکرٹریٹ توں جاری تھیونڑ آلے بیان دے مطابق دورے دا مقصد چین دے نال پارلیمانی تعاون کوں مزید مستحکم کرنڑ تے رابطے کوں ودھارا ڈیونڑ دے نال نال سرمایہ کاری اتے تجارتی مراسم سانگے نویں رستے ہموار کرنڑن ۔دورے دی دعوت چین ولوں ڈتی گی اے ۔بیان دے مطابق چیئرمین سینیٹ محمد صادق سنجرانی آکھیے جو پاکستان چین دے نال دوستی دے تاریخی تے لازوال رشتے کوں قدر دی نگاہ نال ڈیکھدے ، دورے نال سانجھے تعاون کوں مزید استحکام مل ویسی ۔انہاں آکھیا پاکستان اتے چین دی عوام دے دل کٹھے دھڑکدن ۔وفد اپنڑے دورے دے دوران چین دے وزیر خارجہ، این پی سی دے چیئرمین، سی پی پی سی دے سربراہیں تے بئے نال ملاقاتاں کریسن ایندے علاوہ مختلف کمپنیاں تے تجارتی شعبیں دے سربراہیں نال ملاقات کریسن تاں جو ڈوہیں ملکاں وچال سرمایہ کاری اتے تجارتی رابطے کوں مزید ودھارا ڈیونڑ سانگے نویں موقع تلاش کیتے ونجن ۔ صادق سنجرانی دا بحیثیت چیئرمین سینٹ چین دا اے پہلا دورہ ہے۔ وفد اچ سینیٹرز نزہت صادق، ستارہ ایاز، محمد اکرم، دلاور خان، کودہ بابر، اعظم خان سواتی، بیرسٹرمحمد علی خان سیف، مرزا محمد آفریدی اتے سیکرٹری سینیٹ امجد پرویز شامل ہن ۔
.jpg)
.jpg)
