اسلام آباد۔16اگست (اے پی پی) سپیکر قومی اسمبلی سردار ایاز صادق نال گورنر پنجاب سردار سلیم حیدر سپیکر ہاؤس اچ ملاقات کیتی۔ جمعے کوں قومی اسمبلی سیکرٹریٹ توں جاری بیان موجب ملاقات اچ پارلیمانی معاملیاں سودھے آپسی دلچسپی دے ٻئے معاملے تے ڳالھ مہاڑ کیتی ڳئی۔ ملاقات اچ سپیکر قومی اسمبلی گورنر پنجاب سردار سلیم حیدر کیتے نیک خواہشات دا اظہار کیتا۔ ملاقات اچ سپیکر قومی اسمبلی آکھیا جو اڄوکی پارلیمان موثر قانون سازی نال عوام دی فلاح تے بہبود اتے ملک دے مسئلیاں کوں حل کرݨ کیتے پرعزم اے۔ صوبیاں اتے وفاق وچال جڑت اتے رابطے ودھاوݨ عوام دی ترقی اتے خوشحالی کیتے ضروری اے۔ گورنر پنجاب ایوان دی کارروائی کوں غیر جانبداری اتے خوش اسلوبی نال چلاوݨ تے سپیکر قومی اسمبلی دے کردار دی تعریف کیتی۔
.jpg)
