لاہور۔23نومبر(اے پی پی)وزیراعلیٰ پنجاب عثمان بزدار آکھیے جو اپوزیشن جماعتاں پاکستان دی ترقی روکݨ چاہندن، اے لوک ملک کوں درست سمت دو ویندا ڈیکھ تے وٻلیائے ودن بھل عوام جاݨدن جو ماضی اچ انہاں جماعتاں اقتدار اچ رہ تے معیشت تباہ کیتی اے ڄݙاں جو وزیراعظم عمران خان انہاں خرابیاں کوں ٹھیک کیتے،اڄ ملک درست سمت دو ویندا پئے جیندا کریڈٹ وزیراعظم عمران خان کوں ویندے۔ عثمان بزدار آکھیے جو پاکستان کوں اندرونی اتے بیرونی چیلنجز درپیش ہین،اینجھے حالات اچ فساد دی سیاست غیر دانشمندانہ اتے ملکی مفادات دے منافی ہین، اپوزیشن جماعتاں فساد کھنݙا تے ذاتی ایجنڈے کوں توڑ پچاوݨ چاہنن، عوام منفی سیاست دی بجائے ملک کوں اڳو ودھدا ڈیکھݨ چاہندن۔ انہاں آکھیے جو وزیراعظم عمران خان جرأت اتے سمجھ بوجھ نال عوام دی امنگاں دے مطابق ملکی مفاد اچ فیصلے کریندے پین۔
.jpg)
