جمیکا۔6اگست (اے پی پی) ویسٹ انڈیز اتے پاکستان دی کرکٹ ٹیماں وچال ترائے ہک ݙینہہ دے بین الاقوامی میچاں دی سیریز دا پہلا میچ 8 اگست کوں برائن لارا سٹیڈیم، تاروبا، ٹرینیڈاڈ اچ کھیݙیا ویسی۔ اے میچ ݙینہہ اتے رات دا ہوسی اتے فلڈ لائٹس دی رو??نی اچ کھیݙیا ویسی۔ پاکستان دی ٹیم ون ڈے سیریز دے آغاز توں پہلے بھرپور تیاری اچ مصروف اے۔ پریکٹس سیشن اچ کھݙاریاں بیٹنگ، باؤلنگ اتے فیلڈنگ دی مختلف مشقاں کیتی جݙاں جو ون ڈے سکواڈ اچ آوݨ آلے کھڈاریاں کوں کوچنگ سٹاف کنڈیشنز کوں ݙیکھدیں ہوئیں نیٹ پریکٹس اچ مخصوص اہداف ݙ??ے تاں جو او میچ دی صورتحال ڄاݨ سڳن۔ بیٹرز خاص طور تے پاور ہٹنگ ??ے توجہ رکھی اتے مختلف زاوییاں توں شاٹس کھیݙݨ دی مشقاں کیتیاں تاں جو حریف باؤلرز دے خلاف جارحانہ حکمت عملی اختیار ??یتی ونڄ سڳے۔ پاکستان دی کرکٹ ٹیم اڄ کل ویسٹ انڈیز دے دورے تے اے اتے گرین شرٹس آپݨے دورے ویسٹ انڈیز اچ میزبان ٹیم دے خلاف 3 ٹی ٹوٹی اتے 3 ہک ݙینہہ دے بین الاقوامی میچاں دی سیریز کھیݙسی۔ 3 ٹی ٹوٹی بین الاقوامی میچاں دی سیریز مکمل تھی ڳئی اے جو پاکستان دی ٹیم 1-2 نال جت ڳھدی اے۔ ترائیں ون ڈے میچاں دی سیریز اچ مایہ ناز وکٹ کیپر بیٹسمین محمد رضوان گرین شرٹس دی قیادت کریسن۔ ون ڈے سیریز دا ݙوجھا میچ 10 اگست کوں کھیݙیا ویسی جݙاں جو تریجھا اتے چھیکڑی ون ڈے میچ 12 اگست کوں کھیݙیا ویسی۔
